L’Angolo de la Wanda – Gennaio 2003 – “FRATELLI D’ITALIA”

…a cura di Graziano M. Cobelli

gcobelli05@gmail.com

Quatro Ciàcoe: da Verona

FRATELLI D’ITALIA

Me són sbondolà dal rìdar quando che i dú “giangianesi” (*) de “Strissia la notissia” i n’à fato Védar el Presidente che, tuto compunto, el faséa finta de cantàr l’ino nassionale, moèndo la boca in qualche maniera, coi oci un fià spaentà sóto la “sésa” fissa e sgarufà dele sopraciglie. Me són dita, consolandome tra mi e mi… “beh, no’ ló sò mi ma gnanca el ló sà lu che, dato la carica che’l coèrse, el dovarìa saverlo”.
A ‘stó punto, m’è vegnù la frenesia de lésar finalmente l’ino de Goffredo Mameli, in versión integràl e da quela ben conossuda “sfureghina” che són, ò tacà la ricerca. Prima sorpresa: tra le me conossense, compreso maestri e professori, no ò catà nissun che riussisse andar fóra dala seconda quartina: “Noi siamo da secoli calpesti e derisi …ecc…” e quando finalmente g’ò avudo in man el testo completo ò constatà che de quartine ghe n’èra altre tre.
Probabilmente, almanco par quel che concerne la penultima, s’à çercà de tiràrghe un sfriso par via de quel verso: “I bimbi d’Italia si chiaman Balilla” ma se el motivo l’è quel, alora bisogna dir che g’avemo intorno ‘na bela dose de ignoransa parché l’ino più famoso del nostro Risorgimento l’è stado scrito nel 1847 e, se la memoria no’ la me tradisse, in quel’epoca Mussolini no’ l’èra gnancora nato. Infati, a scola i n’à insegnà che el Duce l’è nato nel 1883 e che la “marcia su Roma” la gh’è stà nel 1922. L’episodio riferì a “Balilla”, el  genovese GianBattista Perasso (che a 14 ani, tirandoghe ‘na sassà ai austriaci che i volèa costrénsar la gente a spostàr un canón, el g’à dà el via nel 1746 a la rivolussion) anca se pò’ l’è stà usado dai fassisti, “fassista” no’ l’è. Daltronde, anca el splendido “Ino a Roma” firmà da Giacomo Puccini, l’è stà messo in càneva par el stesso motivo… e anca de ‘sta pagina italianissima de musica che  Puccini l’avéa scrito, se no’ me sbàlio, ai primi del secolo, no’ se pol propio dir che la sia stà fassista!
Ma, tornando a l’ino nassionàl che po’ in coa ve trascrivo, ècove la só storia: Tanto par scominçiàr, Goffredo Mameli l’è nato a Genova nel 1827 e l’è morto a Roma nel 1849, seguace de Mazzini, combatendo par difèndar la Republica.
L’ino “Fratelli d’Italia, el l’à scrito quando el g’avéa 20 ani, l’è stà musicado dal Maestro Michele Novaro e cantà par la prima volta a Genova nel setembre 1847.
Nei versi gh’è vari riferimenti a episodi e personagi storici.
1° – “de l’elmo de Scipio…” – Scipione l’Africano, vinçidór de Annibale.  2° – “le porga la chioma…” – parché la vitoria, da Dio, l’è stà destinà a servìr Roma. 3° – “coorte…” – la decima parte de ‘na legión romana. 4° – “le vie del Signore..” – la giustissia e la libertà. 5° – “dovunque è Legnano” – in tuta l’Italia gh’è el spirito che à compagnà i Comuni Lombardi a vìnçar a Legnano nel 1176 l’imperadór Barbarossa. 6° – “Ferruccio”- Francesco Ferrucci, morto combatendo par la difesa dela libera Republica fiorentina a Gavinana (Pistoia) nel 1530. 7°- “Balilla” (vedi sóra). 8°- “Vespri”- Vespri siciliani (1282). 9°- “Son giunchi ecc…” le spade mercenarie dele quàl se serve l’Austria, le se piega come giunchi”. 10°- “Bevè il sangue l’Italia…” – l’Austria l’à beù el sangue de l’Italia e quel dei polacchi che l’à desfà coi russi…” .E a ‘stó punto… ècove el testo del nostro ino nassionàl e impàrevelo a memoria!

(*) giangianese: da Giazza(scarpa grossa,Çervèl fin)

Wanda Girardi Castellani

INNO DI GOFFREDO MAMELI

Fratelli d’Italia, l’Italia s’è desta
dell’elmo di Scipio s’è cinta la testa.
Dov’è la vittoria le porga la chioma
che schiava di Roma Iddio la creò.

Stringiamci a coorte, siam pronti alla morte
Siam pronti alla morte
Italia chiamò.

Noi fummo da secoli calpesti e derisi
perché non siam popolo perché siam divisi.
Raccòlgaci un’unica bandiera, una speme
di fonderci insieme già l’ora suonò.

Stringiàmci a coorte … ecc…

Uniamoci, amiamoci, l’unione e l’amore
rivelano ai popoli le vie del Signore,
giuriamo far libero il suolo natio
uniti per Dio chi vincer ci può?

Stringiamci a coorte … ecc…

Dall’Alpi a Sicilia, dovunque è Legnano
ogn’uom di Ferruccio ha il cuore, ha la mano.
I bimbi d’Italia si chiaman Balilla
il suon d’ogni squilla i vespri suonò.

Stringiamci a coorte … ecc…

Son giunchi che piegano le spade vendute:
ah l’aquila d’Austria le penne ha perdute;
il sangue d’Italia bevé col cosacco:
il sangue polacco ma il cuor le bruciò.

Stringiamci a coorte … ecc…