L’Angolo de la Wanda – Maggio 2002 – “LIBRI CONCORSI MOSTRE E ALTRO – RIMARlO VERONESE”

…a cura di Graziano M. Cobelli

gcobelli05@gmail.com

Quatro Ciàcoe: da Verona

LIBRI CONCORSI MOSTRE E ALTRO
RIMARlO VERONESE

Tuti noialtrì poetì se vantemo de no’ averghene de bisogno, ìnveçe penso che qualche òlta el ne possa far còmodo, specie quando se çìmentemo con çerte tecniche, come el soneto, che spesso le presenta de le dìficoltà, propìo nel combìnar le rìme che le ga da èssar, sensa falo, do par le quartìne e do par le tersìne.
Beh, donca ‘desso g’avemo anca el rimarìo del dìaleto veronese e a pelar ‘sta pò-pò de gata l’è el nostro presidente, Piero Sartori, che, a parte I’ìndiscutìbile valor come poeta e la vulcànica capacità organìsativa da che l’è al tìmon del nostro Cenàcolo (I’à organisà ‘na barca de robe una pìù ìnportante de l’altra), mai avarìa pensà che’l g’avesse pura tuta ‘sta santa passìensa!
Elencà in 200 pagine, le rìme contegnude nel libro (tante co’ la so brava tradussìon ìn italìan) i è ben 12.000; “un gioioso zugo par cì sa lesar ne la sìntassi del còr o sfoìar le pàgìne del tempo…” dìse I’autor ne la sìmpàtìca premessa ‘ndò se rìconosse la “satada” del poeta co’ la “P” maìùscola.
“Paia, fraia, saltamoleta, poeta, stranfieri, cavalieri, scufiotì, sgarbotì, rosario, rìmarìo… più precìsamente “Piccolo rimario della lingua veronese”.
Un tentativo (senpre a dìta de I’autor) de salvar la parlada orìginal, iutàndone a rìcordar parole che le se sta negando nel paltan de le memorie desperse.
Personalmente trovo che el laoro del nostro Presìdente el sìa utìlìssìmo e no’ me vergogno a dìr che’l podarà servìrme anca a mì. L’è anca vera che ancò la rima e la mètrica i è demodé come el capelìn co’ la veleta e I’ombrelin da sol, ma diograssìa gh’è ancora queì come mi che a la mètrica i è tutora marìdadì; poeti veronesi vècia maniera, a la Barbarani, che, magari in ocasion de qualche festa alegra i usa ancora sfornar ditìrambo e, par onorar qualche bela persona, I’acròstico; robe che, come el soneto classìco, par funsionar le g’à da èssar rìgorosamente ìn rìma e qua po’l sucedar che qualcheduna no’ la te vègna proprìo. Beh, l’è el momento de afidarse a la prodigìosa memorìa de I’amìgo Pìero andàndola a pescar nel so pressioso “Piccolo rìmario della lìngua veronese”. Grassie, Piero, e complimenti!

Wanda Girardi Castellani