L’Angolo de la Wanda – Novembre quater 1996 – “Anca Luigia da Avesa (Luigia Marconi Brazzoli) la n’à lassà”.

…a cura di Graziano M. Cobelli

gcobelli05@gmail.com

Quatro Ciàcoe: da Verona

“Anca Luigia da Avesa (Luigia Marconi Brazzoli) la n’à lassà”.

EL CENACOLO DE POESIA DIALETAL VERONESE el pianse un’altra de le so poetesse; una tra le più valide e amade de la çità scaligera… la voçe de “Avesa-lavandara”… la contrà traversada dal Lorì ‘ndó le done fin a pochi ani fa le faséa la lissia par tuta Verona; ‘na contrà piena de storia, nota ai archeologi par la so “Arena” e i tanti importanti ritrovamenti.
Luigia Marconi Brazzoli, deta, dunque, “Luigia da Avesa”, l’èra una tra le voci più belle e singolari di Verona.
Aparsa sula sèna de la poesia dialetal verso la metà dei ani ’70, la s’à imposta subito par el color, la ricchessa del lessico, l’originalità e la modernità de le so liriche.
Nel 1991, con el marì Mario, anca lu valido poeta dialetal, l’à scrito a do mane el volume “Ti e mi”, in prinçipio del qual, l’eternamente innamorà consorte l’à vossù métar ‘sta dedica: “A Luisa; trent’ani de’na vita tuta quanta vissuda sempre insieme”.

2 Poesie di Luigia da Avesa

BIANCHE E SCURE (Nadal 1990)

Anca in sta note
che tuto sà de cel
a drìo dei marciapié
e bianche e scure
la borsa in balansól
i è tante le Marie
che se consuma.

LA ME CONTRÀ

No ciama più la bestia da la stala;
l’è uda la rissara a rènte el pra.
La sgròia straca l’è oltà de sbiésso
l’è croà zó dai càncani l’ussól.
Ma su la prea del lógo è restà el segno
de ci à bearà col sal la me contrà.

Wanda Girardi Castellani