L’Angolo de la Wanda – Giugno ter 1996 – NOTISSIARIO: “EL PISANELLO AL MUSEO DE CASTELVÈCIO”

…a cura di Graziano M. Cobelli

gcobelli05@gmail.com

Quatro Ciàcoe: da Verona

NOTISSIARIO: “EL PISANELLO AL MUSEO DE CASTELVÈCIO”

Un grande apuntamento a Verona: dal 7 Settenbre a l’8 Dicenbre p.v. (Ndr) el museo de Castelvècio el ghe darà ospitalità a la mostra “PISANELLO”.
Del “pitor de le sete virtù” se podarà cussì amirar (in sala Boggian), oltre a ‘na grossa selession de i disegni esposti al Louvre, anca piture, medaje, sculture, oreficerìe racimolà da diesine de colession sparse in tuto el mondo.
Obietivo de ‘sta mostra, curà da Dominique Cordellier del Louvre e da la nostra Paola Marini, diretrice de Castelvècio, l’è quel de mostrar in tuto el so splendor e inportansa, I’atività veronese de uno tra i più grandi interpreti de la cultura figurativa tra el Gotico e el Rinassimento.
EI piato forte de la mostra el sarà naturalmente el famosissimo afresco realisà dal Pisanello par la cesa de Santa Anastasia: S. Giorgio e la principessa Trebisonda, presentà con tuti i so disegni preparatori.
A sotolinear el prestigio de la mostra in Castelvècio, le Poste Italiane le emetarà un francobol dedicà al grande Antonio Pisano.

Par informassion: Museo de Castelvècio, 045-592985 – 594734 – 8005817, fax 045-8010729. Castelvècio l’è ragiungìbile da piassa Bra, angolo Cassa de Risparmio, in fondo via Roma.

Wanda Girardi Castellani