L’Angolo de la Wanda – Aprile 2004 – “LE ETÀ DE L’AMOR”

…a cura di Graziano M. Cobelli

gcobelli05@gmail.com

Quatro Ciàcoe: da Verona

“LE ETÀ DE L’AMOR”

“El dolor l’è senpre quel de alora;
come un cortèl mai rùseno,
destinà a ‘vérghe gnaro par senpre
nel fódro del cor.” (Ghedi (Bs) 1936)

Inamorarse a çinque ani? Forsi la pararà ‘na roba da rosària*; ‘n afàr inpossibile, insoma, se non ridicolo, come podarìa èssar inveçe, ne l’opinión generale, ‘n amor che sbòcia a 70/80/ ani!
Epura quando la ‘Delina la g’à ‘vù el colpo de fulmine par el tenente pilota Alberto, de servissio al campo de aviassión de Ghedi (Bs) durante la guera d’Africa che g’à regalà ai italiani le sansioni e al Savoia Vitorio Emanuele 3°, in zonta a la corona de Re d’Italia, quela de “imperadór de l’Etiopia”, l’era propio sui 5 ani e no’ l’avea gnancora scominçià le scole elementari.
Só papà, riciamado in aviassión, specialista, marassiàl-marconista, el s’avéa tirà drio a Ghedi moiér e fiola e la buteleta, sveia e scadenà come ‘na coéta da sagra, da quel momento l’èra ‘stà da la matina a la sera a remengàr par el campo, cocolà da tuti, uficiai, sotufficiai e avieri, su e zó par i arioplani in angar, a pranso e a çena a le mense del canpo. Ma fin dal primo incontro la s’avéa estasià davanti a ‘n tenentin pilota belunese che, prima ancora de saverghene  el nome, l’avéa subito batesà “l’omo quel belo”. Tra el pilota Alberto e la buteleta era nata cusì n’amicissia talmente tacaissa (soratuto da parte de ela) che, salvo quando che lu l’era in servissio, l’èra raro védar l’uno sensa l’altra par man.
La magnava con lu a la mensa uficiai e ala sera no’ la se indormensava se no’l’andava a darghe la bonanote con un baseto e ‘na sgarufada su la franseta ala francesina. ‘Na òlta el g’aveva portà, tra i tanti regaleti, caramele e ciocolatini, anca ‘na pua in divisa da “picola italiana” con tanto de calseta nera in testa, camisa bianca e cotola a pieghe e da quela pua no’ la s’èra destacà più, nè de giorno nè de note.
La se inzegnava a inparàr el “linguagio” tecnico par star “al passo” col só Alberto…  termini che magari la sacagnava a la só maniera come a ciamarghe, par esempio, “para… guide” al paracadute e, con tanto de casco e ocialoni, la faseva finta de pilotàr, fasendo “brun-brun… rrrrr” co’ la manina su la cloche.
Pò tuto è finì ‘na sera de nebia. Ale óndese Alberto no’ l’èra gnancora rivà e la buteleta, co’ la só pua streta sul coresìn, no’ la voléa butàrse-zo a dormìr e no’ la consolava la rosaria de’l “Grio sensa testa” che só papà l’avea tacà a contarghe; ‘na storia che de sòlito ghe piaséa tanto. No; proprio no’ la consolava gnanca le caresse de la mama che quela note l’èra stranamente cusì triste. E la ‘Delina l’èra sta sveia par ore piansendo e sangiotando da cavàr el cor. El giorno dopo i sói i g’avéa contado che Alberto l’èra andà, col só “Breda” a iutàr, in Africa, i butini moreti ma che’l sarìa tornà presto-presto.
Solo nel dicembre del 1940, el papà, in licensa, riciamà ala nóva e più teribile guera, l’èra sbrissià fóra a contàr quel che era sucesso quela sera de 4 ani prima; el tenentìn belunese l’èra precipità co’l só Breda in un canpo ‘péna arado, dal quàl, del picolo aereo, vansava fóra sola la coa. Forsi el papà el pensava che essendo passà ani la ‘Delina la se ló fusse desmentegà… e l’è restà mal vedendo inveçe che rassa de desperassión quela pur lontana verità l’à scadenado!
…………
È passà un bról de tenpo e ‘sta buteleta ancó l’è ‘na vecia piena de ani e de malore. Pura quando el ricordo el torna a rimontàr sul mar senpre più de inchiostro dela vita, el dolor che la sente l’è senpre quel de alora e quela coa che la fantasia la ghe fa imaginàr, drita inpiantada ne la tera nera; biso fantasma che sèita a vègnar-su da ‘na sera distante, l’è come un cortèl mai rùseno, destinà a ‘vèrghe gnaro par senpre nel fódro del cor.

Wanda Girardi Castellani

 

(rosària-fiaba*)

***

LE ETA’ DE L’AMOR

Ghedi (Bs) 1936

“Vecia fotografia sbrissià da’n libro
intambusado nel destrigaroba,
come ‘na ruspa manovrà con rabia
t’è rimestà ne l’anima al più fondo
intorbidendo el lago del me autuno!”

Innamorarsi a cinque anni? Sembrerebbe un assurdo, se non una cosa ridicola, come, nell’opinione generale, un amore sbocciato a 70/80 anni, eppure il mio unico, vero “colpo di fulmine” lo ebbi proprio a quella tenera età. L’oggetto dei miei amorosi pensieri si chiamava Alberto ed era un tenente pilota di servizio al campo d’aviazione di Ghedi durante la guerra d’Africa che regalò agli italiani le sanzioni e al Savoia Vittorio Emanuele 3°, in aggiunta alla corona di Re d’Italia e d’Albania, quella di Imperatore di Etiopia.
Mio padre, maresciallo-marconista, richiamato in aviazione, si era tirato dietro moglie e figlia ed io, fin dal primo giorno, avevo incominciato a gironzolare per il Campo, coccolata da tutti; ufficiali, sottufficiali ed avieri, su e giù per tutti gli aerei in angar, a pranzo e a cena nelle mense militari.
Lo conobbi lì il tenentino-pilota bellunese e fin dal primo incontro, dopo averlo battezzato “l’omo, quel belo”, estasiata lo seguii ovunque come un’ombra ed ogni sera volli lui a rimboccarmi le coperte dopo avermi dato, con una carezza sulla frangetta alla francesina, il bacio della buona notte.
Alberto aveva sempre per me caramelle o cioccolatini e mi aveva donato anche una bambola in divisa da “piccola italiana” con la sua brava camicetta bianca, la gonna a plissè e la calzetta nera in testa. Da quella bambola non mi staccai più, nemmeno la notte.
Per stare al passo con Alberto mi ingegnavo ad imparare il linguaggio tecnico, termini che “sacagnavo” alla mia maniera chiamando ad esempio il paracadute “paraguide”, quando, con  casco ed occhialoni, fingevo di pilotare i “Breda” facendo “brun-brun…rrrr” con la manina sulla cloche.
Poi tutto finì in una gelida sera di nebbia.
Alle ventitre Alberto non era ancora arrivato a darmi la buonanotte ed io con l’adorata bambola stretta al cuore non volevo stendermi a dormire e non mi consolava la fiaba prediletta del ”Grio sensa testa” che mio padre aveva incominciato a narrarmi. No… proprio nulla mi quietava, neppure le carezze di mia madre che quella notte era stranamente così triste.
Il giorno dopo mio padre mi raccontò che Alberto, trasferito, era andato con il suo aereo ad aiutare i negretti in Africa. Mi assicurò che sarebbe tornato dopo pochi giorni ma non lo vidi più.
Solo nel dicembre del 1940, mio padre, in breve licenza dalla nuova e più terribile guerra, durante una cena aveva ricordato che il mio tenente quella lontana sera era precipitato con il suo aereo in un campo arato di fresco, dal quale, del piccolo aereo spuntava solo la coda. Forse mio padre aveva pensato che essendo trascorsi 5 anni la cosa non mi avrebbe ferita più di tanto e rimase dolorosamente stupito vedendo invece quale disperazione quella pur lontana verità mi aveva provocato!
Sono trascorsi tanti… tanti anni e quella bambina è ora una vecchia carica di acciacchi. Pure, quando il ricordo torna a riemergere sul mare sempre più d’inchiostro della vita, il dolore che sento e sempre quello di allora e quella coda che la fantasia mi fa immaginare, dritta, piantata nella terra nera, bigio fantasma che seguita a svettare nei miei pensieri, è come un coltello mai arrugginito, destinato ad avere un nido, per sempre, nel fodero del mio cuore.

                                                                                                                     Wanda Girardi Castellani

LE ETA’ DELL’AMORE

Innamorarsi sui banchi dell’asilo? Sulle panchine di una casa di riposo?
A quale… a quali età può sbocciare l‘amore fatto di passione, di tenerezza, di sentimento quell’amore nell’opinione generale ritenuto così ridicolo… così fuori di stagione, e che può durare una vita.