L’Angolo de la Wanda – Dicembre bis 1995 – “Le maravèie de l’imaginario”

…a cura di Graziano M. Cobelli

gcobelli05@gmail.com

Quatro Ciàcoe: da Verona

Le maravèie de l’imaginario

Sabato 14 otobre 1995, a le 6 de sera, invità da I’amigo giornalista Carlo Caporal, son andà a I’inaugurassion de la mostra “EL MARCANTE DEI SOGNI” a la galeria S. Giorgeto de S. Anastasia. Sistemà tute intorno, tra i “ninsòi de le anguane” de pingolon da i muri e un tapeto de foie giale che, soto i passi de i visitadori, le fasea un stranbo concerto quanto mai intonà a le opare in mostra e a I’anbiente, VITTORIO RIONDATO I’à esposto al publico 40 mascare de corame piturado, personificanti: fade, anguane, salvanèi, martorèi ecc…; esseri fantastici de la tradission popolare e de la leteradura par I’infansia. Inoltre: 20 bassorilievi in corame sbalsà e colorado, ‘ndò I’autor I’à svolto in maniera originalissima i temi de la luna, el sol, i pessi, el mar, el cel. Po’: 20 piture su carta, 6 bronseti e 10 terecote, el tuto riportà su un elegante catalogo.
VITTORIO RIONDATO, simpaticissimo personagio, pien de fantasia e de entusiasmo, al punto che, a parlarghe insieme, se g’à I’inpression che gnanca el viva in ‘sto mondo ma in una so dimension personalissima, distante da tute le miserie umane, l’è, come se disea, da la provincia de Padova (Borgoricco) e atualmente el vive a Caselle de Selvazzano. Diplomado “Maestro d’arte” a I’lst. Pietro Selvatico de Padova, l’è stà ordinà de “educassion fisica” fin al 1991 quando che I’à deciso de votarse al mestier de artista (che’l fa cussita ben!).
La tènica che’l usa l’è nova e quantomai originale e i risultati i è “unici” e decisamente sorprendenti. Personalmente, son tornà a ‘sta mostra più òlte e ogni òlta ghe n’ò provà un piaser novo.
Interessante e assè lodevole I’inissiativa de Riondato che durante i giorni de esposission el g’à dedicà diverse ore a le scole, fasendo partecipi, fativamente, tanti fioi de la so arte. “EI marcante dei sogni” l’è ‘stà vèrta al publico fin al 27 de otobre e durante ‘sto periodo el Cenacolo de Verona el g’à fato corona dedicandoghe a I’Artista, cusì sior de poesia espressa co’ le mane, ‘na serada de poesia… de pena.

Wanda Girardi Castellani

L’indirisso de l’Artista l’è:
Via Enrico Toti, 10 – 35030 Caselle di Selvazzano (PD) tel. 049/631835