L’Angolo de la Wanda – Febbraio 2002 – “A ricordo de Gino Cadamuro Morgante”

…a cura di Graziano M. Cobelli

gcobelli05@gmail.com

Quatro Ciàcoe: da Verona

A ricordo de Gino Cadamuro Morgante

Ieri, 2 genar 2002, anca I’amigo Gino, giornalista, poeta, Capitano de longo Corso, decorà sul campo ne I’ùltima guera, par el so valor e spìrito de sacrificio, co’ la medaia de bronso al valor militare, l’è volà nel paradiso de i poeti vèneti a riunirse ai, ormai tanti, altri nostri grandi che n’à lassà.
Nel setembre del 1998 “Quatro Ciàcoe” I’à dà la notissia del premio Lorenzo Calabrese che, meritadamente, gh’èra stà consegnado quel’ano a Pescantina co’ la motivassion: “AI poeta giornalista Gino Cadamuro Morgante, diretor del Burchielo dei poeti veneti, par la longa, instancàbile, apassionada òpara in difesa e par la preservassion de le lingue e de le tradissioni vènete”. ‘Desso, da la pàgine 69, riverta qua, davanti al me computer, Gino el me soride sornion da ‘na foto scatà a tòla durante ‘na memoràbile rimpatriada organisà da “Q.C.” par amiçi e colaboradori qualche ano fa.
Gino I’èra nato e el rissiedeva a Venessia. EI scriveva poesìe dal 1931 e in ‘sta arte el g’aveva avù diversi importanti riconossimenti. Tante le òpere èdite e miga solo de poesìa.
In gioventù l’aveva studià al Nautico de la so amatissima çità lagunare conquistando el diploma de Capitano de longo Corso.
Dopo ‘na longa colaborassion, nel 1977 I’èra entrà come Redator nel “Burchielo”, mensile de poesìa vèneta nato co’ I’ilustre padrin Diego Valeri nel 1959 e, dal 1990, el ghe n’avea assunto anca la diression.
Nel 1991 l’èra stado eleto “Timonier”; ‘na càrica da la qual solo la “siora da la rengaia” I’à podù costrensarlo a dimetarse.
Abastansa de recente Gino el g’aveva avudo el grandissimo dispiaser de pèrdar la so adorada compagna; ‘na batosta da la qual no’ l’era stà più bon de risolevarse! ‘Desso, in un mondo de paçe e de eterna luce, i è finalmente tornadi insieme.

Wanda Girardi Castellani