L’Angolo de la Wanda – Gennaio 2002 – “ANGELIN SARTORI”
…a cura di Graziano M. Cobelli
gcobelli05@gmail.com
![](https://www.ilcondominionews.it/wp-content/uploads/2015/02/castellani2.jpg)
Quatro Ciàcoe: da Verona
ANGELIN SARTORI
![](https://www.ilcondominionews.it/wp-content/uploads/2022/05/Angelin-Sartori.jpg)
Cenàcolo ani ’60 da sx, Toni Beltrami, Lucia Cozzolino, Wanda Girardi Castellani, Gino Beltramini, Angelin Sartori.
Giòvedi 6 dicembre 2001, ne la bela sala dela Libreria del Monastero, de la basìlica de San Zen, intitolà a Giorgio Zanotto, el Cenacolo de Verona “Berto Barbarani” I’à ricordà el so vecio Presidente de fine guera, Angelin Sartori, poeta in dialeto, fine dicidor e prìncipe del Foro de la çità.
***
A parlar de lu e a condur la serada gh’è stà so fiol Piero, atual presidente del Sodalissio veronese, someiante in maniera impressionante, sia de figura che de voçe a so papa. A farghe da spala, la Silvana, fiola de ‘n altro indimenticàbile pilastro de la cultura vèneta: el “Profe” Gino Beltraminì, fondador de la rivista “Vita Veronese” e amigo par la pèle de Angelin.
La rècita de le poesìe del poeta scomparso el 14 otobre del 1982, l’è stà afidada ai soci de I’atual Cenàcolo e a so altri amiçi e estimadori, ta i quaì el cogo-poeta Giorgio Gioco.
EI pùblico, intervegnù numaroso a la interessante serada, malgrado el fredo siberian, I’à aplaudì con entusiasmo tuti i interventi, specialmente quel del diretor de radio Monte Baldo, Roberto Rossin, che avalendose de ‘na recitassion che à ricordà quela de Angelin, I’à divertì ancora ‘na òlta tuti co’ la celebre poesìa “EI bugnon”.
Angelin l’è stà uno tra i più amadi personagi de la cultura veronese del Noveçento come testimonia la recente publicassion del Prof. Claudio Pezzin: “Leteratura veronese del Noveçento” (Cierre edizioni). La so poesìa, essensialmente acutamente satìrica l’è conossuda e apressà da tuto el Vèneto e anca fora.
A ereditar la vena poètica, oltre, mèso sècolo dopo, la Presidensa del Cenàcolo, tra i so fioi l’è stà el nostro Piero, pionier de na nova maniera de far poesìa, sior de n’arte e de ‘na profondità de pensier tal da metarlo, a dita de tanti, al primo posto nel Parnaso del Vèneto.
Wanda Girardi Castellani