L’Angolo de la Wanda – Luglio 1996 – “Conferensa permanente”
…a cura di Graziano M. Cobelli
gcobelli05@gmail.com
Quatro Ciàcoe: da Verona
“Conferensa permanente”
A un ano dal’entrada in vigor de la legge regional:18 apriI 1995, n° 25, “Interventi regionali par i Veneti nel mondo” la Giunta Regional del Veneto I’à convocà a Verona, hotel “Due torri” la conferensa permanente dei Veneti nel mondo, con el scopo de verificar el svilupo de le relassioni culturali e economiche con le comunità de origine veneta, sparpajà su tuta la tera. Le sedute i è scominçià giòvedi 13 giugno, a le 21 con l’incontro del Comitato de le Associassioni con i invitadi da l’estaro. Venerdì 14 i lavori i è scominçià a le 9 de matina co’ na longa, ma interessante serie de interventi. Primo a parlar l’è stà I’Assessor a I’emigrassion dr. Franco Bozzolin dopo del qual s’à alternà al microfono diverse altre autorità intervegnude, el tuto soto I’ocio de le telecamere de la RAI oltre a quele regionali e provinciali.
Belo l’intervento del dr. Martinelli che I’à finì co ‘na splendida frase, aplaudì a longo da la sala: “Le radise del Veneto nel mondo, no’ le vegnarà mai meno!”. Tra i relatori, anca uno de color, rapresentante de i emigrati ne le nostre regioni. Personalmente, un particolare godimento el m’à regalà l’intervento del Prof. Ulderico Bernardi de l’Università de Venessia. Tra le altre robe I’à dito che: «EI problema dei Veneti, sia qua che nel mondo, l’è el passagio de i valori da ‘na generassion a l’altra. Trovar la base comune dei valori da tramandar, scartando i erori e trategnendo le robe mejo; quindi: difusion de la religiosità, de le usanse, le tradission e tuta, nel so complesso, la richessa storica e folcloristica del Veneto, pur ne la inevitabile necessità de adatamento a la nassion ospite». Bernardi I’à anca sotolinià la costansa de la gente de casa nostra ne la conservassion linguistica e le abitudini alimentari, anca se forsatamente adatade al teritorio, distante, ‘ndò che i vive. Un altro elogio el ghe I’à fato a la vocassion imprenditorial de i nostri emigrati che à fato nàssar in ogni angolo del globo, pìcole, medie e spesso grandi industrie, qualcheduna de notorietà internassional. In “finis” el prof. Bernardi I’à tegnù a far un pìcolo elenco de Veneti deventadi a I’estaro, capi de stato e re de l’industria. Interessanti e dirìa impressionanti anca i dati de la nostra emigrassion se se pensa che solo dal 1976 al 1985, in soli 9 ani, gh’è stà ben 940.000 partense da ‘sta nostra amatissima Tera Veneta. Presenti in sala, i rapresentanti Veneti dal Sud Africa, dal Brasile, da I’Argentina, Uruguay, Cile, Venezuela, Canada, Usa, Francia, Germania, Belgio, Inghilterra, Austria, Svizzera, Romania e, soratuto, da la lontana Australia rapresentà splendiamente da I’amiga de Quatro Ciàcoe, Anna Banfi Picozzi. La nostra Anna, a causa de le solite lungagini e de la poca “prudensa” de chi, al posto de i diese minuti de intervento programà, I’à finì col tègnar banco ‘na mes’ora, I’à menà in porto la so interessantissima relassion a le 19 (senpre de vènardi 17). L’à parlà a lungo, elogiandola, de “Quatro Ciàcoe”, distribuendo anca copie de la rivista ai convegnudi. O dito che la so relassion l’è stà interessante ma a me giudissio, l’è stà anca “Ia più…”. Un grassie po’ da “Q.C.”, parla simpatia e l’entusiasmo che la n’à dimostrà, unica fra tuti i convegnudi! I lavori, dopo la pausa “pranzo” i èra proseguì con altre relazioni e interventi dei vari ospiti da l’estaro. Sabato, po’, con inissio ancora a le 9; comunicassioni, dibatito, intergrupo e relassion conclusiva. Un elogio al dr. Franco Bozzolin, assessore regionale ai flussi emigratori (su delega del presidente Giancarlo Galan), par I’organisassion e la signoril ospitalità in quel che l’è el più belo e sicuramente tra i più “storici” de i hotel veronesi, un anbiente che à conossù i nomi più ilustri de la cultura, de l’arte, de la politica e del sport de tuto el mondo.
Wanda Girardi Castellani
