L’Angolo de la Wanda – Luglio ter 1997 – “Lirica a l’Arena – AI tenor GIUSEPPE DI STEFANO, la quarta edission del Premio “Giuseppe Lugo””
…a cura di Graziano M. Cobelli
gcobelli05@gmail.com
Quatro Ciàcoe: da Verona
“Lirica a l’Arena – AI tenor GIUSEPPE DI STEFANO, la quarta edission del Premio “Giuseppe Lugo””
Dopo Ie prime edissioni: a Placido Domingo, nel 1994, a Josè Carreras, nel 1995 e a Franco Corelli, nel 1996, ‘st’ano el prestigioso riconossimento che anualmente vien assegnà, in nome del grande tenor veronese Giuseppe Lugo, ai tenori che magiormente i à onorà la lirica, e in special modo quela italiana, nel mondo, el ghe vegnarà oferto a I’altro grande cantante italian, Maestro Giuseppe di Stefano, mez’ora prima de I’andada in sèna de la Carmen de Bizet, sul palcossenico de I’anfiteatro Arena, la sera del 7 agosto a la presènsa del sovrintendente de l’Ente Lirico, dr. Gianfranco de Bosio, nostro presidente onorario e a farghe da corona tuto el Comitato, con in testa el Comm. Giuseppe Pezzini de Villa Vento (Custoza) erede spiritual de Lugo. La consegna de la bela targa, opera del maestro orafo Angelo Antoniazzi, su disegno del Maestro Luciano Pollini, la vegnarà fata personalmente da la soprano, Signora Magda Olivero, Presidentessa del Comitato nato nel 1994 da un grupo de amiçi, estimatori del nostro Giuseppe Lugo (del qual ‘st’ano scade tra l’altro i 60 ani da l’esordio in Arena), al scopo de onorarlo e tegnerghene viva la memoria.
GIUSEPPE DI STEFANO, ancora drito e vivace come un giovanoto, l’è nato a Motta Santa Anastasia (Catania) el 24 lujo 1921. Come tuti ben savemo, l’è stà uno tra i più grandi tenori del secolo.
L’à studià a Milan con Luigi Montesano e el g’à ‘vu el so debuto uficial nel 1946 al teatro comunal de Regio Emilia ne la “Manon” de Massenet.
Ne l’arco de 30 ani, I’à interpretà ‘na çinquantina de ruoli in altretante opere liriche, italiane e non, in tuti i teatri più inportanti del mondo. Tantissime le incisioni de opere, concerti e le più celebri cansonete, in special modo quele napoletane, con le più prestigiose case discografiche.
El debuto nel nostro anfiteatro el ghe I’à ‘vù el 30 lujo 1950 nel “Pescatori di Perle” de Bizet.
L’à cantà ne la “Boheme” de Puccini ne i ani 1950 e 1957 e l’è stà splendido interprete ne la “Manon” de Massenet, viçin a la Magda Olivero, nel 1951.
El 1954 l’è stà l’ano del “Mefistofele” de Boito e nel 1956 quelo de la “Gioconda” de Ponchielli, andò I’à inpersonà Enzo Grimaldo. Ne i ani 1956, 1962, po’, I’à fato la parte de Mario Cavaradossi ne la Tosca de Puccini. Arturo Toscanini I’à dito de lu: “L’è el tenor che amo de più!”.
Victor De Sabata, I’à afiancà le so interpretassioni sèniche a l’arte de Ermete Zacconi e Memo Benassi e Gianandrea Gavazzeni el l’à definì, par el linguagio conversativo puccinian: “EI più grande tra i interpreti”. “No’ ò mai sentì nissuno (I’à dito) tocar un’intensità dramatica paragonabile a la sua, nel pronunciar I’ultima frase de Rodolfo in Boheme; I’èra da brividi!”.
Tra le so partner: Mafalda Favero, Ebe Stignani, Renata Tebaldi, Clara Petrella, Rosanna Carteri, Birgit Nilsson e la grande Maria Callas.
Wanda Girardi Castellani
