L’Angolo de la Wanda – Luglio ter 2000 – “Nel giardin de Darwin”

…a cura di Graziano M. Cobelli

gcobelli05@gmail.com

Quatro Ciàcoe: da Verona

Nel giardin de Darwin

Ci è vegnù a Verona e, dopo aver visità la nostra bela çità scaligera l’è partì sensa averghe dà n’ociada anca al “Museo civico de storia natural” ubicà nel çinqueçentesco Palasso Pompei, realisà dal famoso architeto Michele Sanmicheli ghe convien far al più presto marcia indrìo, tantopiù che a quanto se dise el Museo el farà prossimamente “Samartin”, trasferendo i so “penati” a l’ex arsenal ‘pena zo dal ponte de Castelvecio.
Ma par adesso: disnove sale d’esposission dedicà tute a la natura; mondo animai, vegetaI, geologìa, paleontologìa e preistoria. Famosa la racolta de i pessi fòssili e le piante de Bolca, qualcheduna alta come ‘na casa.
EI 15 de giugno, a le 17, nel splèndido ingresso andò che nel bel mèso se poI amirar ‘na mastodontica crapa de “mamut”, el Comune de Verona, Assessorato a la Cultura, e la diression del Museo, i à inaugurà ‘na splèndida mostra fotogràfica, opera de i celebri fotografi Enzo e Raffaello Bassotto. Titolo de la mostra; “Nel giardin de Darwin”.
Çinquanta foto par “racontar un mondo perso nei meandri del tempo; un mondo scomparso prima ancora d’èssar stà da i piassè conossudo e apressà e ‘ste imàgini, come à scrito Italo Zannier, “le ciapa al respiro e le definisse l’atmosfera de quel’aldelà”, come le do (n. 50 e 51 del catalogo) con feti umani; un sirenide e un macrosomatico.
Nel giardineto interno, grassie al tempo che par ‘sta òlta el ‘na fato “grassia”, davanti a ‘na marea de pùblico, el più costituì da giornalisti, da soto un bianco gasebo contornà de fiori, à saludà i ospiti la diretrice del Museo dot. Alessandra Aspes, l’assessor a la cultura Dr. Luca Bajona, el prof. Vittorino Andreoli, piacevolissimo e poetico orator con in più el pregio de condir i so interventi con simpatiche e argute frasi in veronese. Po’ à brevemente parlà el dr. ltaIo Zannier e el dr. Sandro Ruffo. Gh’è stà pura un pìcolo intervento anca da parte dei fradèi Bassotto; pìcolo… parché a parlar ben e tanto gh’èra za le so foto.
La mostra l’è splendidamente descrita nel catàlogo de l’Electa (50 mila) che, oltre a le foto l’è coredà da i testi de la dot. Aspes, del dot. Italo Zannier, del dot. Vittorino Andreoli e del dot. Sandro Ruffo.
La mostra, vèrta al publico a le 18 del giorno 15 giugno, la serarà le ànte al 31 dicembre de ‘st’ano. EI bilieto, che’l dà dirito anca a la vìsita completa del nostro grande e bel museo, el costa 4000 franchi (ridoto, 2000).
L’ orario: da le 9 a le 19; domìnica da le 14 a le 19 (serà al vènardi).
Par informassioni: tel. 045-8000466 (ndr).

Wanda Girardi Castellani