L’Angolo de la Wanda – Ottobre 2002 – “9° Premio Giuseppe Lugo”

…a cura di Graziano M. Cobelli

gcobelli05@gmail.com

Quatro Ciàcoe: da Verona

9° Premio Giuseppe Lugo

El 9° Premio “Giuseppe Lugo ” al Tenor Veriano Luchetti (9 stagioni areniane) e Premio a la Cariera al Soprano Mietta Sighele (5 stagioni areniane). Do stele de prima grandessa, che in un gropo de arte e de amor; le risplende nel ciel de la lìrica.

E anca st’ano i amiçi del Comitato “Giuseppe Lugo” i à rilustrà col “sìdol” del mai smorsà entusiasmo el ricordo del grande tenor veronese assegnando el nono premio a lu dedicado e el premio a la cariera a du splendidi artisti: soprano Mietta Sighele e tenor Veriano Luchetti, unidi ne la vita e ne l’arte. El concerto, a la presensa de rapresentanse de la Fondassion Arena de Verona, e del diretivo de l’ Accademia Filarmonica, de i Sìndaci de i Comuni de Somacampagna e Sona, de la Pro Loco de Custoza e de i rapresentanti de la CariVerona, l’è stà, come ogni ano, organizà con la consueta elegansa e generosità, grassie a la fameia Pezzini, ne la terassa del ristorante “Villa Vento” de Custoza. Tanto e entusiasta el pùblico che l’èra vegnù a gòdarse la manifestassion e el bel frescheto.
El “Premio Giuseppe Lugo”, a la so nona edission l’è sta’ assegnado dunque al tenor Veriano Luchetti.
Nato a Tuscania, l’à debutà al Teatro sperimentaI de Spoleto e subito l’è stà scriturà al Teatro La Fenice. In seguito el s’ à esibì in tuti i più inportanti teatri italiani e esteri con un splendido repertorio che va dal 700 a le òpare più recenti: Spontini, Cherubini, Rossini, Bellini, Donizetti, Puccini, Verdi, Bizet, Gounod, Berlioz, Meyerbeer e altri. Memorabile la so interpretassion ne la Carmen al Metropolitan de New York co’ la so Mietta; ‘n avenimento che à fato epoca. Tra le so partner: Marilyn Home, Magda Olivero, Montserrat Caballè, Leontyne Price, Mirella Freni, Renata Scotto, Katia Ricciarelli, Fiorenza Cossotto, ecc… Tante le incisioni con le EMI, la RCA, FONIT CETRA, DECCA, ecc…
In finis, I’è docente de vari corsi de perfessionamento e el fa parte de importanti giurie de concorsi de canto nassionài e esteri.
Premio Speciale a la Cariera al soprano Mietta Sighele. Nata a Rovereto (Trento) I’à studià a Trento e a la scola del Teatro de l’Opera de Roma vinçendo nel 1959 el concorso par voçi nove del SperimentaI de Spoleto. EI debuto la ghe I’à ‘vudo al “Festival de i du mondi” in Boheme soto la diression de Schippers con la regìa de Menotti. Oltre al repertorio puccinian, I’à eseguì anca quel francese, slavo e russo e l’è stà fine interprete del Seteçento italian, da Traetta a Paisiello, oltre che del Noveçento in opere de Barber, Pizzetti e altri. Anca Mietta la s’à esibì ne i più grandi teatri del mondo, da la Scala de Milan, a l’Arena de Verona dove ghe I’emo avuda par 5 stagioni. L’è stà direta da i più grandi diretori d’orchestra: Muti, Gavazzeni, Serafin, Karajan e altri e la g’à avù partner del càlibro de: Di Stefano, Del Monaco, Raimondi, Pavarotti, Kraus, Carreras. Par 5 ani I’à insegnà al Sperimentàl de Spoleto e I’è stà presente ne le più inportanti giurie de concorsi de canto nassionài e esteri. Premio Puccini 1999, Membro de I’ Accademia dei Agiati e diretrice artistica del concorso internassional par canti lirici “Riccardo Zandonai”.
In onor de i premiadi s’à po’ svolto el concerto presentà, dopo la me introdussion ne la me veste de segretaria, dal spumegiante, simpàtico prof. Michele Nocera al qual è andà anca el mèrito de aver cità, giustamente, come deus ex machina, de tuto, I’infadigabile ma senpre schivo Luciano Pollini.

Quatro e tuti bravi i cantanti: soprano Kathleen McCalla – tenor Francesco Piccoli – baritono Mauro Augustini – voce emergente, soprano Laura Martorana. Al pianoforte la sempre bela e brava Prof. Michela Forgione.
Ne l’interval s’à esibì el baleto del Centro studi teatrali “Centrepoint” co la coreografia de Pia Sheridan; nove farfale che voltegiava, aeree, sul palco, vestide in bianco tutù.
A la fine, come ogni ano tuti a çena e el staff del com. Pezzini, par via del menu, l’à superà se stesso.

Wanda Girardi Castellani